MISSIONARY NA KHAH KHIA NUAM HIAM?

2001 kum panin Khitui Gospel Mission Nasepna Zogam khanglam Kanpalet gamke ah kipan khia hi. Zogam sungah gammial mahmah lai mun khat ahi hi. Nikten puansilh a kipan inn leh lo tualniam lai mahmah uh hi. Kum simin Missionary 7 panin 13 kikal kipaisak den hi. Pasian lawhcinna hong pia toto a, kha mangthang tampi kiman khin ta hi. Cinate in damna ngah uh a, Dawi bia mi tampi in Topa Pasian hong bia thei ta uh hi. Taksa leh Kha lamah a khantoh theih nadingin hunna tuamtuam tampi kipia khin ta hi.

2012 kum pan 2014 kum ciang term khat adingin missionary vaak ding (sponsor) kisam hi hang. Missionary khat in kha khatin  Ks.100,000 (Tengh 1) kha sum sang uh hi. Khitui Gospel Missionary Kanpalet gam a om a semsate a vak nuamte in kha khat Ks.100,000 ta pia ding uh hi. Tua hi loin Missionary a thak a kuansak nuamte adingin 1.Missionary ding a mi zonna, 2.Missionaryte Kanpalet a kuan sukna, 3.Missionaryte um leh bel ding, 4.Missionaryte om nading inn cih bang beina tampi om ahih manin Ks.10,00,000 (Tengh 10) piak beh kul a, tua lo kha simin kha sum  Ks.100,000 (Tengh 1) pia den ding hi.

Pasian in Khitui Gospel Mission Nasepna tawh mapang khawm dingin na lungsim hong lawn zenzen leh hih www.tearsgospel.com website a CONTACT US sungah ahi zongin khituigospel@gmail.com ah ahi zongin lai nong khak thei hi.

95-96472005 leh 95-11290347, 09400502747 hih phone te tawh zong nong hopih thei hi.

Nang tawh mapang khawmin Pasian gam ih zaisak ding hi.

Topa’ galphual ah nang tawh galdo khawm;

Evan.Langh Do Khup
Founder & President
Tears Gospel Ministries

2 Responses to “MISSIONARY NA KHAH KHIA NUAM HIAM?”

  • Hii.sia do khup
    kei ka min luan san zun ngai hi.ka lawm pa vial ngo mang.tapa kum 3 le kha 7,tanu kum 2 le kha 3 na nei ung.ka khua lui keeizaang(cingpikot).kawl pi ah lei pi tui phum pawl pi hi ung.tu lai tak oklahoma city,oklahoma state,usa ah na om ung.khitui gospel mission pen ka lung lut sawt peuh mah.PASIAN na sep nang tu kum 2013 aa ding ka hih theih bang in hong ki hel nuam ung in nang man a sen pi thei pen ding in hong vai hawm sak in.ka i lung gulh na pen mission phual ah gup khiat na thu le lei tung pil na sin na sang inn zong nei zo aa,hih mission phual hang in a kiim le a paam a khua tam pi tak a nau pang te in lai hong theih hong sin zawh na ding cih pen ka vision hi. mun thak saat ding a hi zong mission om sa mun ah sponsor zawk ding a hi zong nang man a lem thei pen in hong vai hawm sak in.lung dam.

  • contact ah massage kong nu siat ding hi lai pan hong khak kha ing.kong lai at pen mi dang hong theih pi ding ut lo ka hi man un ong thei siam mai un.lungdam.