MISSION NASEPNA HONG PANPIH

Pasian a it Paupu (Sian Pau) leh Nembawite innkuan in Khitui Gospel Mission Nasepna ah missionary khat hong vaksak  ngei uh hi. 2012 Mission field pai nadingin zong Ks.300,000 hong pia  uh a, amau innkuan leh Lianbawite innkuan hanciamna tawh mission field a kivaan zo suak hi. Paupu pen USA a tun main zong Khitui Gospel Team ah hong kihel ngei mi khat ahi hi. Amah a khangno lai-in galte in man ngei a, ama mawhna lopi tawh thah dingin a koih uh ahi hi. “Suangzang khua ah crusade bawlin ka om laitakin a Nu Heilei pan hong pai phei-in Paupu ading thu hong ngensak hi. Pasian in Paupu a sih loh ding lam vision teltakin hong musak a, “Na tapa si lo ding a, mai a April kha ciangin na tapa tawh na Biakinn pulpit tung uah hong ding khawm ding hi ung” ka ci hi. Pasian in ih thungetna hong dawng takpi a, tua kum April kha Heilei crusade ciangin amah tawh ka ding khawm takpi uh hi. Amah zong Khitui Gospel Team ah hong kihel pah hi. Pasian in lamto ahih manin USA tung a Khitui Gospel Mission Nasepna ah hong kihel zel uh hi.