KHITUI GOSPEL SERIES II KIBAWL TA

van puakna
mangpu

USA a om Pa Khai Sian Mang (Mangpu)te innkuan hong vaihawm pihna tawh Sia Do Khup’ lungsim kha sung panin hong phul khia Pasian ngaihna late Yangoon 121 Studio ah Zomite music pupi khat ahi, Cinpi leh a lawmte (Gatam Band) in zak nop huai takin a tum uh, Zogam lasiam minthang

  • Rev.Kap Mang
  • Rev.Tua Mung
  • Sia Lianpi
  • Sia Stephan Mang
  • Sia V.C Mang
  • Sia Kamsen
  • Sia Muanpi
  • Syama Cingsan
  • Syama Siannu
  • Syama Lungsan
  • Lia San Nuam
  • Lia Cingpi

te in nop citak leh lunglen huai takin a awih ngelhngelh uh, KHITUI GOSPEL SERIES II lakhui ding Khitui Gospel Video Nasempawl makaihna tawh video kizaih zaih ta hi. Pianna Zogam mun leh mual etlawm teng tawh kila kawikawi hi.
Mangpute innkuan in amau lungsim lunggulhna ngiat tawh Khitui Gospel Series II ading sum bei khempeuh hong sik uh hi. Pasian in amau innkuan thupha hong piaksak semsem ta hen.
Hih video adingin Zomite omna Kalaymyo, Tedim, Tonzang, Cikha hih gamkhen tuamtuamte panin nungak tangval melhoih ten hong huh uh hi.

Van puakna

KHITUI GOSPEL SERIES II KIBAWL laitak

Mangpute innkuan

Mangpute innkuan in amau lungsim lunggulhna ngiat tawh Khitui Gospel Series II ading sum bei khempeuh hong sik uh hi. Pasian in amau innkuan thupha hong piaksak semsem ta hen.

Sian Lian

Hih bang a sep zawh nadingin a biak Pasian leh a lawm Sian Lian huhna hang ahi hi. Tedim Lawibual veng a teng Sian Liante innkuan in Mission field pai nading hi ta leh, Crusade pai nading hi ta leh, Video zaih a pai nading hi ta leh mawtaw zangsak denin mawtaw sap la lo banah Khitui Gospel Team teng Tedim ah a tam sung tantan uh an vak den uh hi. Amau innkuan Topa Pasian in thupha hong piaksak ta hen.

Group neu pen

Hih bang nasep liante pen amah guakin a sep zawh hi peuhmah lo a, amah a lamto Pasian Kha Siangtho leh Zogam leh Zomi a it a lawmte hanciam pihna panpihna bek tawh a lawhcing to zel ahi hi.

lolai leh khup

A laphuah pawlkhatte pen ama nuntakna a khel Pasian itna la ahih manin a nuntakna lui zil kikin amah tektekin a lim a lah kikna zong om hi.

Mual zatam halna

Hih video adingin Zomite omna Kalaymyo, Tedim, Tonzang, Cikha hih gamkhen tuamtuamte panin nungak tangval melhoih ten hong huh uh hi.

Sia Do khup

Hih Khitui Gospel Series II in Zomite nuntakna sukha-in a hoih lamin phattuamna ih ngah ciat theih nadingin Sia Do Khup mahmahin makaih hi. A late khempeuh ama phuah vive ahih mah bangin a la phuahna gam tektek tawh a lim la khawm dingin a pianna khua lui Kansau ah ciah toin lim hoih nono va kila uh hi.

4 Responses to “KHITUI GOSPEL SERIES II KIBAWL TA”

  • Khitui Gospel seriesII a ding Khitui Gospel video group te i hanciamna te limtanglo ( photo )le a thu tawh tawm nong ciamsak zal uh a i muhnoptha nong suaksak mahmah uh hi..
    Alimte ka etkawmkawm in bel ** hi khuisung a background te le a kiziahna mun bel leitung ah aniamlomun/munsang shooting mun sang pawl hi ding in kalem en hi..
    Nonglak,mualkuam tamlak,tangdunggammamng lak ah AMA( Pasian ) nasem ding a sia DoKhup azong khia tei tei i biak Pasian hong itna, lainatna te video le asung a late in hong mukhiasak in khatha tampi i ngahlawh ding ka lam en hi..

  • Sia Do Khup’ khutsuakte pen ngil thei phadiak sa ka hih manin tu-a hong suakkik ding lakhui zong ngaklah mahmah ing. Zogam sunga om lui/gun, mual, kawl, khuapi/khuata, Hausa/Ukpite inn te banah Mikang kumpi leh Missionary-te nasepna kimu thei laite, Galpi khatna/nihna tawh kisai vanlui leh mun poimawhte cih bang dan no a zin kawikawi zo te mah in VDO nong lak kawikawi uh bek ciangin a zin zolote in ki phattuampih lua mahmah hi.
    Topa in Khitui Gospel nasepna lawhcingsak semsem ta hen.

  • Topa Jesu Khris sungah kong it, Siansiam pa leh Lawm Pau,

    Hih bang a tha nong piak ciatna uh hangin tuni ciangciang Pasian in lawhcinna hong pia to zel hi. Thungetna ah hong phawk zel un maw. Zomite adingin a thupi thu leh la mun leh mual cihte ka hih zahun lim na la in Computer sungah na kem ungh. Mipi tungah a kihawm khia nai lo Zo ngeina tuamtuamte na kem toto ungh.

  • It leh phawk Sia Khup,

    Murlen ah (kei pianma thu) Pu Thawmte te pen Sawm Giakna inn hi in, sawm neite hi in nungak tangval a lenglado, a zindo, khuasung tha leh zung teng a khauhsak, a thapia beh leh phung ahi uh hi cih a kigen ka za ngei hi.

    Tuni in nang, khua khat bek hilo, a tangzaizaw in Zomi bup hong lenglado, hong pattah, tha hong pia; thu hoih, la hoih, gamtat hoih tawh nong musak diudeu na hih ciangin eite hong bawlpa nak lungdam si in cia ka cici hi. Kipiakna tak tawh talent tampi a pungsak na nuntakna manpha si e na cici ing. Topa in na maban hong makaih zel hen.

    Khitui Gospel Series II video a ngaklah vanvan,

    Hau Za Cin
    Phuitong Liim
    http://www.hauzacin.blogspot.com/

Leave a Reply..