MUALPI CRUSADE LAWHCING MAHMAH

Malaysia Kualalumpur khuapi a om Zomi Christian Fellowship (ZCF) Canaan pawlpite in Zogam leh Zomite a veina uh tawh inntek semin Khitui Gospel Teamte in Tonzang gam Mualpi khua ah crusade va bawl uh hi. Nitak biakpiak hun ahi zongin sun thusinna hunah ahi zongin Pasian Kha Siangtho in na sem mahmah ahih manin naupangnote a kipan tuailai khangno tampi leh pitek putek tampitakin khitui taak keuhkeuhin Topa Jesu khephung zuan thei uh a, Pasian Kha Siangtho ngahin Piangthak ciat uh hi.
Mualpi khua
cycle

Cycle

Cycle tawh Mualpi khua ah crusade paina

Gospel teng

Gospel apai teng

Kahna

Kha Siangtho thupha a ngah tampi omin thunget tawp pak thei nawn lo bang om zel hi. Evan. Do Khup in Pasian kammal a pulak laitakin a lu tung sanah Topa Jesu om hi, ci in sanggam RC te khatin vision mu hi, “Topa Jesu ka muh ciangin kun sukin ka kap a, ka dak toh kik ciangin zong na om lai mawk hi” ci hi.

Pawlpi kideidan loin pawlpi

Pawlpi kideidan loin pawlpi kim panin hong pai ciat uh a, Pasian Kha Siangtho in zong deidan tuam nei loin tuailai khangnote tungah a lamdang takin nasem hi.

Nitak simin Topa

Nitak simin Topa’ Kha Siangtho in na a sep tawntung mah bangin sun thusinna ah zong a lamdangin na hong sem den a, sun thu ciangin zong khanlawhna lianpi piang den hi.

Mualpi khua

Mualpi khua pen inn 200 val phata!

Nitak ki apna

Nisimin ZBCM biakinnpi dim letin kikhawm den uh a, amai ah ki ap nading mun awng lo liang hi mah ta leh tuailai khangnote in a mai lam neh masa ding kituh bawl liangin Topa Jesu mai ah a mawhna uh pulakin kap khia liang uh hi.

Signboard

ZCF Canaan pawlpite hong inntekna ahih mah bangin 8’x4′ a zai pulpit tungah tangkona laipi kisuang deda hi. Inntek Zomi Christian Fellowship (Z.C.F) Kualalumpur, Malaysia Zomite Pasian in thupha lianpi hong piaksak semsem ta hen.

Sun thusinna

Amau aituam nasepte nusia ciatin sun hunin zong biakinn dimtak mahin hong kikhawm uh a, Pasian kammal ngai in tha ngah mahmah ciat uh hi.

Tangvalte

Tangvalte tungah zong Pasian Kha Siangtho hong tung a, a mawhnate uh kisik kikin mawhna a maisak Pasian tungah lungdamna koin khitui luangin kap ciat uh hi.

Teci pangin khutlam

Nisimin piangthak mi kibehlap den a, Pasian deih loh gamtatna hoih lote ka zang nawn kei ding hi, ci in kiciamna khut lamto ciat uh hi. Tep leh muam khamtheih guihtheih panin a kikhel mi tampitak om uh hi. Khua kim khua pam panin zong crusade simin hong pai mi 130 val om a, Crusade fund panin an kivak hi.

ZYA kiapna

Zomi ih hih mah bangin Zomi mah thupi kisa ciat ahih manin Zomi Khangno Kipawlna (ZYA) zong Mualpi khua ah lungkim huai takin kiphut thei hi. ZYA Vice President Sia Kham Sian Pau in ZYA nasepna teng a gen khit ciangin ZYA ah kigawm dingin thu kimna khut lamsak hi. Amau khangno kipawlna khat a neihsa uh hi a, tua kipawlna min pen ZYA tawh laih ngiat uh hi. “Zomi ka hi hi” ci kawmkawmin min dang puam dang peuh neih sawm lo uh hi. Evan. Langh Do Khup in ZBCM biakinnpi sungah apna nei hi.