MIZOGAM HIANGMUN KHUA KHANLAWHNA THU

USA a om Pa Zam Cin Mang leh Nu Cing Ngaih Nuamte nupa veina lainatna tawh Khitui Gospel Team in Mizogam sunga Zomi bekbek a tenna Hiangmun khua ah Oct. 30, 2012 panin Nov.4, 2012 dong crusade kibawl a Pasian nasepna lamdang tampi hong kilang hi.
zammangte-innkuan

LAMKAL AH THUPHA HONG BAWLTE

Kawlpi pan Hiangzing tun ciangin Pa Hau Cin (Pa Cin)  leh Nu Lam Thian Cing (Nu Cing)te’ ansai ah an ka ne uh a, an man hong la lo uh hi. Zogam ah Khitui Gospel Teamte a pai simin an nek man hong la ngei lo uh hi.  Ciau tun ciangin Gate a Immigration ten “Pasian nasem na hih uh leh” ci in Kawllam leh India lam a ten bangmah hong la lo tuak uh hi. India Ciau khua a ansai Pa Dong leh Nu Dim ten zong Khitui Gospel teng leh vaidawn a hong pai teng an hong vak leuleu uh a, an nek man pek khat zong hong la lo uh hi. Hiangmun ten Ciau khua ciang Somu mawtaw nuam tak tawh hong dawn uh a, mawtaw hawl Kappu tawh ka kithuah kha kik uh hi. 2010 Aizawl crusade in zong ama mawtaw mah ka zang kha uh hi. Tonsim khua nawl Aizawl lam check post ah Mizo palikte khem loin “Kawlgam pan hi ung, Hiangmun ah Crusade bawl ding” ci in limtakin ka gen cian vet uh a, kua mah thusit ngah om loin hong paisak pah uh hi. Mizo gamin Pasian nasemte thupi sim mahmah uh hi. Tua manin a gam uh nuam hi ding hi.
Ni khat in thum vei ta biak piak kikhopna om a kikhop simin Topa’ Kha Siangtho in a lamdang takin na hong sem den hi.

KHAM THEIH GUIH THEIH KIHAL TUM

E.B.C pawlpi upa Ordained ngah khat ahi Upa H.Thum Go Kap (Head Master, Middle school of Hiangmun) in zong tutungin Pianthakna kician taktak a ngahna thu mipite mai ah teci pang hi. Mi tampitak khamtheih guihtheih, tep leh muam zat khakna hangin khitui taak keuhkeuh a ki apte a muh ciangin khamtheih guihtheih tep leh muam a zuak teng khempeuh haltum khin pah hi. Amah sumbuk sai hi a, sum tampi man hi ta leh zuak khia kik nawn loin a vekpi-in haltum giap hi.

KUMPI SANG (SCHOOL) NIPI KAL NIH KIKHAK

Hiangmun khua ah Kumpi sang Middle School a om hi a, sanginn thak hoih mahmah hi. Tua sanginnpi belin kikhopna ding buk lianpi khat lam uh a, sanginn panglang khat a umna teng phel khia uh hi. Head Master pa Crusade committee ah kihel ahih manin vaihawm nuam tuam mahmah hi.

committee

Crusade Committee limtakin bawl uh a, Z.B.C, E.B.C, P.C.I hih pawlpi thum panin maikai thum ciat tel khia uh hi. Amau hanciamtakin nasem uh ahih manin crusade lawhcing mahmah hi. Hiangmun khua kisat zawh Pawlpi kim kigawm crusade masa pen hi, ci in makaite lungdam mahmah uh hi.

gospel-team_0

Tutung a pai thei Khitui Gospel Team panin Sia Kham Sian Pau, Sia Cin Khaw Lian, Sia Cin Suan Thawn, Lia Cingpi, Lia Kimnu, Evan. Langh Do Khupte hi uh a, inntek sem Pa Zam Cin Mangte innkuan tawh a suak khawm dingin a kilakna uh hi.

Hiangmun nisuahna lam

Hiangmun nisuahna lam

Hiangmun nitumna lam

nitumna lam

inntekte-innkuan

Crusade ah inntek a sem Pa Zam Cin Mang ii Nu leh Pa leh a sanggamte tawh Gospel Teamte tut khopna hi. Mi tampitak pianthak nading vai lianpi a hawm khia tapa muan nei uh ahih manin hampha mahmah uh hi.

khut-lam

Nisimin piangthak mi kibehlap den a, khamtheih guihtheih a zongsang tualai khangno tampitak kikhel siangtho uh hi. “Kham theih guih theih leh tep leh muam zongsatna hoih lote ka nusia ding ci” ci in mi tampitak ki ap khia uh hi.

mihon-kap

Tuailai khangno tampitak piang thak uh a, Pasian mai ah khitui luangin ki ap thei ciat uh hi.

nak-kah-lua

A mawhna khempeuh uh a puaksak Pa Topa Jesu a nial khak uh kisik lua in naupang kahin kap khia liang uh hi. Naupang neu cikte na ngawn tungah Pasian Kha Siangtho hong tung hi. Cina tampi in damna ngah uh hi. Mimbung khua panin hong pai sihbup natna a nei naupang khat in zong damna ngah hi ci-in a Nu in teci pang hi. Amah nisimin a sihbupin a tun den hi a thungetna a kineihsak khit a kipan tun nawn lo hi.

numei-kap

Lasa siam Lia Cingpi in Sia Do Khup la phuah “JESU KHE PHUNG AH KHITUI LUANG KA VA ZUAN A” cih la a sak laitakin khangnote in Siapa sap ngak zo nawn loin ki ap dingin pulpit mai ah hong tai ngeingai pah uh hi.

pasal-kap

A sisan manpha tawh a lei ngiat Topa Jesu khe phungah khitui tak keuhkeuhin ciah kim thei uh hi.

Zammangte innkuan

Pasian a it mahah Pa Zam Mang pen Malaysia ZCF pawlpi ah Sia Do Khup’ crusade bawlna tungtawnin piangthak hi a, khamangthang veina nei pahin a khua a tui adingin sum tampi bei-in crusade inntek sem ahi hi. Crusade a zat dingin Meiset hoih mahmah Rs.60,000 man khat zong leisak a, Hiangmun ZBC pawlpite pia hi.

6 Responses to “MIZOGAM HIANGMUN KHUA KHANLAWHNA THU”

  • Zeisu hong sawl nasep ahi, “GUPNA THU A THEI NAI LOTE KIANG, ZEISU HONG TATKHIATNA THU GEN DING” hi aa, Khamangthang ading aa, hun le nuntakna a piate mah, leitungah mihampha penpente le Pasian’ lungsim tuakte zong ahi hi.

    Hun khat lai aa, Crusade bawl ngeite hong phawksak kik mahmah ei. Topa’n lawhcinna hong pia semsem ta hen.Amen.

  • Lungdam huai tak ei, hih bang a vai hawm te leh a kipiakhia Pasian’ nasem Sia te khem peuh tung ah Topa’n thupha ong pia hen.

Leave a Reply..