LEILUM TUIPHUM KHANLAWHNA

nupi-kap-1
nupi-kap-1

2012 December 26 panin 30 ni dong Leilum Tuiphum Pawlpi ah Khitui Gospel Crusade kibawl hi. Kawlpi panin Leilum pai nading mawtaw kisam ahih manin Mungno (Langh Do Mung) in ama mawtaw saap lohin hong zangsak a, Tg. Khaipi (Bahden) in lungduai takin mawtaw hong hawlsak hi.
Pawlpi pen 1994 kum a Khitui Gospel Crusade hun lai sangin mi tawmzaw uh hi. Ahang pen Leitawhtan lamah pawlpi khat na inntuan uh hi. Pawlpi kitam hi loin mun kigamlatna hangin lungkimna tawh inntuan uh hi.
Pasian lunggulh mahmah uh ahih manin khanlawhna piang mahmah hi. Pasian Kha Siangtho in nisimin nasem den ahih manin kha cina tampi leh taksa mahmah cina tampi in damna ngah uh hi.
Pumpi zongsatna hoih lo khamtheih guihtheih tep leh muam tuamtuamte ka nusia ta ding hi ci in Topa tungah kiciamna khutlamto ciat uh hi. Pianthakna ciang bek hi loin gamtat hoih ding kisam ahihna thu limtakin kihilh a, sang siam ciat mahmah uh hi.
mawh-sutna
mawhsutna
Tutungin a thulamdang deuh inah 1994 kumin Sia Do Khup crusade bawl dingin sam ngei uh a, nitak khat a zat khit teh uang lua, ci in zangsak nawn lo uh hi. Ama tangin Rev. Job Thawngno leh Rev. Kham Sian Khup zangsak uh a, Rev. Kham Sian Khup in mipi telsiam theih dingin a gen dan siam mahmah a, “Tu ni pen Sia Khup hun zat ding ni hi napi-in Siavuante a kivelsak ciangin na cidamna in zo nawn lo hi, khawl phot in”  ci ahih manin amah hong kikhawm zolo hi,  ci bilbel hi. Khitui Gospel Teamte bel biakinn sung ngah zo nawn loin biakinn tual a tutna kikoihte ah tu thilthel geuh uh hi. A zingsang ciangin Sia Do Khup Kawlpi ciah dingin kithawi a, Pastorpa leh upa pawlkhat in “nang ciah lecin ka pawlpi uh phelnih kisuah lian ding hi”  ci in kho tentan uh ahih manin tam kikin nipini dong hun zang leuleu hi.
Tu laitak Pastor Khuptawng leh upa ten a genna uh ah “Tuma kum 18 hun lai a upa semte in hong khasiatsakna uh hangin daupailohna tampi ka nei uh hi, tua ahih manin mawhmaisakna hong pia in” ci in Vok golpi khat goin mawhsutna nei uh a, Khitui Gospelte in Pasian kiangah mawhmaina ngetsak uh hi.  Pastorpa a kipan pawlpi panmun len khempeuh khitui tawh ki ap ciat uh hi.
nupi-kap

One Response to “LEILUM TUIPHUM KHANLAWHNA”