WEBSITE PUAH MAN LOHNA THU

Ko kiang panin internet zekai lua ahih manin website puahna hamsa mahmah hi. Tua banah tu laitak pen Cope topa tangthu video zaih ka hih manin manlah mahmah ingh. Tua teng hangin thu thak la thak ka na koih zawh lohna uh nong theihsiam ding uh kong thum uh hi.  A sawt loin ka video zaihte uh tangkonate kong koih ding a, maan (photo) tuamtuam zong kong koih kik ding uh hi.

KHITUI GOSPEL TEAM TEN BANG SEM

Tu laitak Khitui Gospel Teamte ka inn ciat uh ah tawlnga in ka om uh hi.  Zolai hong bawlsakpa J.H.Cope tangthu video zaihin ka buai mahmah ta  uh hi. Zomi u leh naute mit hamphat ding deihsakna tawh gamsung mun hoih tuamtuam ah ka va pai uh a, kawlken sangpipi khawngah va  pai-in ka gim mahmah uh hi. Ih Zogam mun hoih tuamtuam tawh ka zaih khawm nuam uh a, tuk guah tam luat main zawh ding ka hanciam uh hi. Hih nasepte ka sep kawmkawmun Kawlpi ZBCM huangpi sunga kibawl, evangelist teng kigawm crusade khui zong editing ka bawlbawl laitak uh hi. Dr. Gin Khan Khual, Dr. Kam Cin Hau, Rev. Pau Lian Mung, Rev. Pau Khan Khai leh Evan. Langh Do Khupte' thugenna khui ahi hi. Zomite sungah a om ngei nailo, evangelist teng kigawm crusade hi a, mi tam mahmah hi. Pasian Kha Siangtho in zong na sem mahmah a, mi tampi takin pianthakna, damna, Kha Siangtho tawh kidimna ngah ciat uh hi.

MISSION TAWH KISAI ZAKSAKNA

Mission nasepna tawh kisai-in ih Mission Director Sia Kham Sian Pau missionaryte vaanin Kanpalet va pai a, tu zan (14.5.2010) in hong tung kik ta hi. Missionaryte zong cidam ciat uh a, lawhcing to zel ih hih manin Pasian hehpihna ih phat hi. Tu kum pen missionary kuan nuam om napi sum leh pai hong sik ding, missionary vaak ding haksa hi. Pasian in mission sep nopna lungsim hong guat khak zenzen leh Khitui Gospel Mission Nasepna tawh nong kizop nadingun ih Topa Jesu min tawh kong thum uh hi. A kizom nuamte in ( This e-mail address is being protected from spambots. You need JavaScript enabled to view it ) ah nong zaksak nadingun kong thum uh hi. A thu kicingzaw in kong zasak kik ding uh hi.