Acknowledgements

MELBOURNE ZOMITE KHUTTAWI LIAN MAHMAH

Tuesday, 09 February 2010 23:24 |

Written by Administrator |

SONY HDV CAMERA THAK LIKLEK

Australia khuapi khat ahi, Melbourne a om laizom Zomi teng in Tears Gospel Video Ministry adingin HDV Sony Camera hoih mahmah khat hong leisak uh hi. Topa Pasian in amaute khat ciat thupha namcin hong piaksak ta hen. Melbourne khuapi ah ih Topa Pasian hong hehpihna tawh Zomi 200 kiim bang ki-om ta hi. 1998 kum a ka pai lai-in 20 kiim bek om hi. "Leimong dongah ka teci na hi ding uh hi," cih Topa Jesu kammal mangngilh loin, ih omna ciatah Topa tecite hih sawm ciat ni.

"ZOTAWI LIANU" VIDEO LAKNA PAH

Hih camera tawh Singdang gamlei Ah "Zotawi Lianu" kici video a kilak saan laitak hi a, Tears Gospel Video Ministry panin hong kihawmkhia ding hi. Pasian in Zomite hong lamtoin leitung bupah tungta ih hih manin ih phut khak, ih tuah khak thu tuamtuamte pansanin kila ahi hi.

A diakin gamdang a omte ading ahih banah Zomi sunga biakna lam leitung lamah makaite kipuahphat nading, kingaihsut phat nading leh tha lak nading tampi om hi.

Lungdamna lianpi tawh;

Evan. Langh Do Khup

Last Updated (Tuesday, 09 February 2010 23:44)

HDV 3CCD JVC CAMERA

Thursday, 04 February 2010 10:13 |

Written by Administrator |

MALAYSIA A OM ZOMITE HONG DEIHSAKNA

2009 February kha sung Malaysia ah Crusade bawl dingin hong sam uh a, Pawlpi pan leh mimal panin itna khuttawi tuamtuam hong pia ciat uh hi. Tua lakah a khuttawi lian deuhin Buanli, Heilei, Lamzang, Suangzang teng kipawlin JVC camera hoih mahmah khat hong leisak uh hi. Pasian in ama ban ciat uh lawhcinna lianpi hong piaksak ta hen.

Hih pen aneu hangin tampi man hi a, hoih mahmah hi. Ka nasepna tampi hong huh khin hi. Pasian leh Zomite adingin na tampi a sem khia ding ahi hi.

Lungdam takin; Evan. Langh Do Khup

HOSTING MAN HONG PIAKSAK

Thursday, 04 February 2010 07:37 |

Written by Administrator |

TG. THANG SIAN KHAI (Khaipi) A.G.T.I, B.Sc

Banzal lakhui bawlpa leh Ngaih Anglai video tangvalpa Tg. Khaipi ka tupa pa in 2010 ading www.tearsgospel.com Hosting man US $ 100 hong piaksak hi. Tu laitak Singapore ah Topa' thupha sangin om hi. Amah pen Pasian leh Zomi a it mahmah khangno tangval lai hi. Ka putu un ka uk uh kituak mahmah ahih manin ka kingai mahmah uh hi.

Pasian in ama nasepna khempeuh ah zong thupha lianpi hong piaksak ta hen. Ama hangin lungnuamtakin 2010 sung website en thei ding ih hi hi.

Lungdamna lianpi tawh;

Evan. Langh Do Khup

WEBSITE PUPI

Wednesday, 03 February 2010 05:25 |

Written by Administrator |

TG. SIANPU TUNGAH LUNGDAM KOHNA

Hih pen Tg. Sianpu hi ei guai, website ka bawl laitak uh hi ei. Manlahna tampitak kawmkal ah hih website hong bawlsak hi. Ama hangin Zomi tampi in hih website en thei hi hang ei. Pasian in amah leh a innkuan thupha hong piaksak ta hen.

www.tearsgospel.com kici hong piankhiatna pupi hi a, ama hong deihsakna tawh 2009 kum February kha a kipan hih website kinei zo suak hi. Hih website Domain leh Hosting pen sum tawh a kilei ngiat hi a, software kizangte zong sum tawh a kilei ngiatngiat ahi hi. Tua banah kum simin Cirtex companyte tungah US $ 71 kipia den ding ahi hi. Website khuambul hong phuhsak Tg. Sianpu tungah lungdamna lian mahmah hi. Amah pen Zomi a it mahmah khangnote lakah khat ahi hi. Amau innkuan Pasian thupha sangin Malaysia ah om uh hi. Gam thumna pai ding ngak laitak uh hi. Topa Pasian in a tup a ngimnate tangtungsak ta hen.

Lungdamna lianpi tawh:

Evan. Langh Do Khup

Last Updated (Thursday, 04 February 2010 07:53)

More Articles...