Australia gam Melbourne khuapi a teng Pasian a it mahmah U Mung leh U Niang (Dr. Judith Niang)te innkuanin 1998 kum Australia ka pai masak lai hi ta leh 2009 Australia ka pai kik ciang hi ta leh hong it mahmah uh a, Pasian a zahtakna uh hangin hong limbawl thei mahmah uh hi. Dr.Judith Niang in Zomite a it manin ama sep masakna ah kha sum tamzaw, inn pan nai zaw, hi ta se leh Melbourne a Zomite veng lamah hong kisuan phei hi. Kei zong ama sepna zoto ah ka va kilak kha a, mikang siavuan zong tampi om hi ta se leh mikangte mahmah in zong “Dr.Judith kiangah kilak nuam ung” a cih sese manun angtan huai mahmah hi.
Khitui Gospel Video Nasepna in HDV Video Camera hoih mahmah khat ih neih zawh nadingin amau nupa in AU $ 1000 hong pia uh a, letsong dang tampi zong hong pia lai uh hi. “ZOTAWI LIANU” Video zaih nadingin zong amau Mawtaw (BMW) leh a inn uh hong zangsak sawnsawn uh ahih manin amau nupa tungah lungdamna lian mahmah hi.